“ОВА НИКАКО НЕ ГО ОЧЕКУВАВМЕ“ – Американски разузнавачи за нападот на Хамас врз Израел: “Немаше никакви индикации“

Американските разузнавачи не забележале никакви индикации дека Хамас ќе го нападне Израел, потврди во вторникот советникот за национална безбедност на Белата куќа, Џејк Саливан, пренесуваат американските медиуми.

„Не видовме ништо повеќе од тоа што Израелците сугерираат дека ќе се случи напад од ваков тип“, изјавил Џејк Саливан на новинарите.

Џејк Саливан, како и другите претставници на Белата куќа, повтори дека американската Влада не видела директна врска меѓу Иран и нападот на Хамас во текот на викендот.

„Додека Иран ја игра оваа широка улога – трајна, длабока и мрачна – давајќи ја сета оваа поддршка и можност за Хамас, во однос на овој конкретен, грозоморен напад на 7. октомври, ние ги немаме тие информации во моментов“, вели Џејк Саливан.