ОВА СЕ ВИКА ДРАКОНСКА КАЗНА: Убиецот на петте посетители на геј клубот ОСУДЕН НА 2.208 ГОДИНИ ЗАТВОР! (ФОТО/ВИДЕО)
Андерсон Ли Олдрич (23) е осуден на вкупно 2.208 години затвор за убиство на пет лица во ноември 2022 година во геј клуб во Колорадо.
Тој е прогласен за виновен по 51 точка, вклучувајќи пет точки за убиство од прв степен и 46 точки за обид за убиство од омраза.
Ли Олдрич доби пет доживотни затворски казни без условна слобода. Олдрич во понеделникот се изјасни за виновен за нападот во клубот Кју во Колорадо Спрингс.
– Ова е рекордна пресуда во нашиот суд и, колку што знам, втора најдолга казна изречена во државата Колорадо – изјави окружниот обвинител Мајкл Ален.
Нападот се случил доцна вечерта на 9 ноември 2022 година, кога Олдрич, кој носел панцир, отворил оган врз луѓето во ноќниот клуб со пушка и пиштол.
Обезбедувањето брзо реагирало и го фрлиле Олдрич на земја и го разоружале. Олдрич не зборуваше за време на изрекувањето на пресудата, а неговиот бранител рече дека „длабоко жали за злосторството што го направил“.
Признавајќи се за виновен, Олдрич не ја избегна смртната казна бидејќи обвинителите имаат можност да поднесат обвиненија според федералниот закон.
Најголемиот масакр меѓу членовите на геј популацијата во САД се случи во 2016 година во Орландо, Флорида. Тогаш напаѓачот убил 49 луѓе и рани 53 пред да биде убиен од полицијата.
