Ова се најчестите симптоми за време на бременоста кои можат да бидат чудни и непријатни! Сигурно нема да ги очекувате, а еве што да направите доколку се случат такви промени
Симптомите на бременост се слични кај сите жени, иако има и такви кои полесно го поминуваат овој период, но и оние кои имаат повеќе мака.
Како што расте вашето бебе, просторот во стомакот се намалува. Цревата се затнати, а варењето може да се влоши, оставајќи ве со гасови и надуеност. Исто така, можеби јадете различни нешта откако сте биле бремени, така што тоа може да влијае и на вашето варење.
Она што може да помогне е да јадете помали, но почести оброци. Треба да избегнувате и мрсна и брза храна, газирани пијалоци и пијалоци со вештачки засладувачи. Брзата 20-минутна прошетка по јадењето исто така може да го стимулира варењето и да ја намали непријатноста.
Благодарение на промената на хормоните, постои еден чуден симптом на бременоста, а тоа е појавата на темна линија која оди надолу по стомакот. Може да забележите и темни дамки на лицето, а овие промени во телото обично започнуваат во вториот триместар и имаат тенденција повеќе да ги погодат жените со потемни тен.
Оваа промена не може да се спречи, но нанесувањето крема за сончање пред да излезете надвор може да спречи влошување на состојбата. Промените обично исчезнуваат во рок од неколку недели по породувањето, затоа обидете се да не се грижите премногу за нив.
Отокот и притисокот често може да доведат до синдром на карпален тунел, кој предизвикува вкочанетост и пецкање околу зглобовите.
Непријатноста можете да ја ублажите со имобилизација на зглобовите и намалување на движењата, а по бременоста овој проблем треба да исчезне.
Чудните, вознемирувачки соништа се сосема нормален дел од бременоста. Секоја идна мајка има помало или поголемо чувство на нервоза за идното дете и претстојното мајчинство, а таа анксиозност, во комбинација со замор и хормони, може да доведе до немирни ноќи и чудни соништа.
Вашата потсвест може да ве преплаши, но тие всушност се здрав начин да се справите со неизвесноста што можеби ја имате откако дознавте дека ќе станете мајка. Она што е важно е да разберете дека тие не претставуваат ништо и дека немате причина да се грижите.
Можеби ќе се изненадите кога ќе откриете дека одеднаш имате куп ситни израстоци на кожата кои обично се појавуваат на места каде што кожата се трие со облеката, како што се деколтето, пазувите или градите.
Овој чуден симптом на бременост понекогаш (но не секогаш) исчезнува по породувањето. Ако ви пречи, консултирајте се со доктор кој може да ги отстрани.
