Огромен кратер се појави во Турција: Геолозите не можат да најдат врска со неодамнешниот земјотрес (ВИДЕО)

Во Турција во округот Решадије ненадејно се појави кратер од 1.400 квадратни метри со пречник од 37 метри, за кој турските геолози не можат да најдат врска со неодамнешниот катастрофален земјотрес.

Директорот на Центарот за истражување на природните феномени во Обрук, професор Фетула Арик, изјави дека на местото каде што е создаден кратерот се наоѓаат геолози.

– Земјотресот од 6 февруари или последователните земјотреси немаат никаква врска со дупката, која се чини дека се формирала претходните денови. Не можевме да утврдиме зошто. Можеби тлото требаше да се урне уште порано, но доколку навистина беше поврзано со земјотресот, дупката немаше да се отвори 20 дена подоцна – рекол Арик, а пренесува порталот „yenikonya“.

Тој рече дека земјотресите или последователните потреси не влијаат на формирањето на копното, освен за време на самиот земјотрес.

– Има места во светот каде што се создадени слични кратери, но не успеавме да воспоставиме никаква врска со земјотресот – додаде тој.

И Мехмет Џапар, кој живее на висорамнината Хаџи Сеит, изјави дека такви кратери се формирале во околината и претходно и истакна дека сега се формирала голема дупка во нивата на неговиот сосед.