“ОД ВИТАЛНО ЗНАЧЕЊЕ ЗА ОДБРАНА НА ИСТОЧНОТО КРИЛО НА НАТО“ – САД ѝ даваат на Полска заем од две милијарди долари за модернизација на Армијата

Стејт департментот денеска соопшти дека САД потпишале договор за директен заем со Полска во вредност од две милијарди долари за модернизација на Армијата.

„Полска е силен сојузник на САД, а нејзината безбедност е од витално значење за колективната одбрана на источното крило на НАТО. Полска покажа силна посветеност за зајакнување на регионалната безбедност преку нејзините инвестиции во трошоците за одбрана“, се вели во соопштението до медиумите.

Се додава дека Полска планира значително да ги прошири можностите на своите вооружени сили и да престане да користи воена опрема од руско потекло.

„Заемот дополнително ќе ги зајакне напорите на Полска во врска со воената модернизација и значително ќе придонесе за зајакнување на одбраната на источното крило на НАТО“, истакнува Стејт департментот.