ОСУМ ЧАСА СПИЕЊЕ НЕ Е “НОРМАЛНО“ !? Еве колку навистина му е потребно одмор на телото за здрав живот

Човекот во просек поминува една третина од својот живот во спиење, некој повеќе, некој помалку. Експертите нагласуваат дека осумчасовниот сон е оптимален за нормално функционирање на организмот. Некои луѓе функционираат нормално ако спијат шест часа, а за други ни десет часа не се доволни. Кој е минимумот ?

„Минимумот е пет часа и 45 минути ноќен сон, а нема максимум. Ако луѓето спијат повеќе од девет часа навечер, тоа може да укаже на здравствени проблеми, како што се срцеви заболувања“, вели неврологот Аруна Рао, кој спие осум часа во една ноќ.

Исто така, научниците откриле дека спиењето девет или повеќе часа во текот на ноќта доведува до сериозно опаѓање на меморијата и јазичните вештини, па дури и до рани знаци на деменција. Од друга страна, премалиот сон не е добар за телото и општото здравје. Ова повлекува одредени последици. Не само што следниот ден не можеме нормално да ги извршуваме секојдневните активности, туку и се изложуваме на ризик од висок крвен притисок и дијабетес.