Откако ја сподели радосната вест, Хејли Бибер на Инстаграм го покажа својот труднички стомак кој расте
Откако манекенката Хејли Бибер неодамна откри дека го чека своето прво дете со сопругот Џастин, таа на Инстаграм сподели и фотографии од трудничкиот стомак.
Бибер сподели серија фотографии на кои се гледа како изгледале нејзините претходни денови откако ја сподели среќната вест со јавноста. Во објавата, манекенката може да се види како позира за да го истакне својот растечки стомак.
Откако парот ја сподели својата возбудлива вест за бебето, извор изјави за списанието People дека сите се возбудени: „Тие ќе бидат одлични родители и Џастин ќе биде многу вклучен“.
Набргу откако парот објави дека го очекува своето прво заедничко бебе, претставникот на Хејли потврди за истиот магазин дека таа е нешто повеќе од шестиот месец од бременоста.
“Тие имаат име за кое мислат дека е совршено. Почнуваат да ја украсуваат и детската соба. Едвај чекаат да го запознаат бебето”, додал изворот. Се уште не е познат полот на бебето.
Во 2009 година, Џастин и Хејли првпат беа претставени од нејзиниот татко Стивен Болдвин на премиерата на документарниот филм на Џастин „Никогаш не кажувај никогаш“. Парот потоа имаше кратка врска во 2016 година по раскинувањето на неговата децениска романса со Селена Гомез.
Тие потоа ја обновиле врската во 2018 година и се во брак од септември истата година.
