ОТКРИЕНА ПЛАТАТА НА ДУШАН ВЛАХОВИЌ ВО ЧЕЛЗИ! Рече „да“, се чека само уште една ситница и си заминува

Се чини дека Душан Влаховиќ никогаш не е поблиску до дресот на Челзи.

Како бомба одекна веста во Италија дека Челзи повторно тргна по Душан Влаховиќ . Во еден момент интересот за српскиот напаѓач целосно згасна, откако Баерн и Пари Сен Жермен се откажаа од трката, па сега Челзи е главен фаворит за неговиот потпис , со услов Ромелу Лукаку да заврши во Јувентус.

Според добро информираните италијански новинари Николо Скира и Џанлука ди Марцио, најверојатно нема да биде трампа како што беше првично објавено, туку одвоени трансфери поради финансиските извештаи на двата клуба. Сепак, трансферите се поврзани и преговорите меѓу двата клуба се во тек, откако Влаховиќ и Лукаку дадоа „зелено светло“ за трансферите и веќе начелно се договорија за личните услови. И мириса како сето тоа да заврши наскоро…

Наводно Душан Влаховиќ ќе заработува десет милиони евра годишно и согласно досегашната пракса во Челзи му се подготвува долгорочен договор за повеќе од пет сезони, додека засега нема информации колку пари побарал за Ромелу Лукаку – но се очекува да биде слична сума со онаа што ја заработи во Интер пред трансферот во Челзи (околу 7 милиони евра).

Онаму каде што заглави беше договорот за обештетување. Наводно Јувентус барал 50 милиони евра, а Лукаку за Влаховиќ, додека има информации и дека станува збор за помалку пари – од 30 до 40 милиони евра – и дека отприлика ова е проекцијата на Стемфорд Бриџ. Тие летово не сакаат да трошат премногу во Челзи, со оглед на тоа дека нема да играат во натпреварувањата на УЕФА, додека претходната година потрошија дури 600 милиони евра на засилувања и се под будното око на Александар Чеферин.

Да потсетиме, Влаховиќ порасна во Партизан, а како тинејџер премина во Фиорентина. За Фиорентина постигна 49 гола на 108 натпревари, додека во редовите на „старите дами“ дојде за 80 милиони евра. Оттогаш на 63 натпревари постигна 23 гола.