Откриено како изгледа поканата за крунисувањето на кралот Чарлс, една информација особено ги изненади сите!
Бакингемската палата објави покана за крунисувањето на кралот Чарлс што ќе биде испратена на адресите на две илјади гости за историскиот настан во Вестминстерската опатија на 6 мај.
Поканата за крунисувањето на кралот Чарлс со шарена цветна шема е дизајнирана од уметникот Ендрју Џејмисон, а рачно насликана илустрација во акварел и гваш ќе биде испечатена и дистрибуирана на рециклирана хартија, со која Чарлс сака да ја покаже својата грижа за одржливоста.
„Крунисување на нивното величество, кралот Чарлс III и кралицата Камила. По команда на кралот, на Ерл Маршал му е наредено да покани (име на гостинот) да присуствува во црквата Вестминстерската опатија на 6 мај 2023 година“, се вели во поканата, која беше објавено и на официјалниот профил на Инстаграм на Чарлс и Камилa.
Цветната граница на поканата симболизира британска ливада со диви цвеќиња, маргаритки, шумски јагоди и сини ѕвончиња, а има и гранче рузмарин што го симболизира сеќавањето. Флора се среќава со фауна со цртежи на пеперутки и пчели, лавови, еднорози и свињи, кои вообичаено се наоѓаат на грбот на кралската двојка. Цвеќињата се влеваат во илустрација на Зелениот човек – древна фигура од британскиот фолклор, симбол на пролетта и повторното раѓање, за да го прослават новото владеење“, велат од палатата.
Поканата за крунисувањето на кралот Чарлс и кралицата Камила многумина ги потсети на поканата издадена за церемонијата на крунисување на кралицата Елизабета во 1953 година. Чарлс тогаш, на само четири години, присуствувал на крунисувањето на неговата мајка, па дури и добил своја покана, украсена со гренадиерски и чуварски труби, цртеж на лав и еднорог од кралскиот грб.
Покрај поканата, објавена е и нова фотографија од кралот и неговата сопруга, направена од Хуго Бурнанд во Сината соба на Бакингемската палата во март. Чарлс и Камила претходно му наложија на Бурнанд да ја сними нивната венчавка во 2005 година, а тој наводно ќе снима официјални портрети на крунисувањето.
Палатата објави и каква улога ќе има деветгодишниот принц Џорџ во возбудливиот настан. Имено, тој ќе учествува во почесната поворка, заедно со внуците на кралицата Камила, кои заедно ќе прошетаат низ Вестминстерската опатија.
