ОФИЦИЈАЛНО – Потпретседателот на СДСМ и поранешен градоначалник на Карпош, Стефан Богоев е нов директор на Царинската управа

Поранешниот градоначалник на Општина Карпош, Стефан Богоев, е нов директор на Царинската управа.

Стефан Богоев, кој е и потпретседател на СДСМ, доаѓа на директорската функција на местото на Славица Кутиров која беше на чело на институцијата две години.

Стефан Богоев оваа информација веќе ја потврди за неколку веб-портали дека на денешната владина седница е именуван за нов директор на Царина.

За потсетување, на локалните избори во 2017 тој беше избран за градоначалник на Општина Карпош од редовите на СДСМ, а на изборите во 2021 не влезе во трката за втор мандат.

Тој во својата политичка кариера беше избран и за пратеник во Собранието на изборите во 2014, а реизбран беше и во 2016.