Хрватските пристаништа ќе се користат за извоз на украинско жито, деталите сè уште се координираат, најави украинскиот министер за надворешни работи Дмитри Кулеба по разговорот со хрватскиот министер за надворешни и европски работи Гордан Грлиќ Радман кој пристигна во Киев.
– Се договоривме хрватските пристаништа на Дунав и Јадранското Море да можат да се користат за транспорт на украинско жито. Сега ќе работиме на создавање на најефикасни рути до овие пристаништа и максимално искористување на оваа можност – рече Кулеба, соопшти прес-службата на Министерството за надворешни работи.
Украинскиот министер рече дека oружјето е главна тема на преговорите денеска.
– Од очигледни причини нема да давам детали. Само ќе кажам дека има конкретни договори кои наскоро ќе се спроведат – рече Кулеба.
Како што додаде прес-службата на украинското МНР, „преговорите и прес-конференцијата во Киев се одржаа во хибриден формат“.
Дмитри Кулеба учествуваше во онлајн режимот во самоизолација по позитивен тест за Ковид-19, објаснуваат од Министерството за надворешни работи.