Падна и потпис: Роналдо му најде нов клуб на синот (фото)

Кристијано Роналдо ја искористи репрезентативната пауза пред продолжението на клупската сезона во Саудиска Арабија за да му најде нов клуб на својот син Јуниор.

Познато е дека Роналдо е член на Ал Наср од декември минатата година, а сега по неговите стапки ќе тргне и неговиот наследник.

Младиот 13-годишен Кристијано Роналдо Јуниор од денеска е член на Ал Наср и ќе игра за селекциите до 13 и до 15 години. Како и неговиот татко, тој ќе ја носи седмицата на својот дрес.

Јуниорот ќе дебитира за новиот клуб веќе во петок, кога стартува националното првенство за играчи до 13 години.