ПАНИКА ВО ЗАПОРОЖЈЕ: ЛУЃЕТО БЕГААТ ВО МОЛДАВИЈА, КИЛОМЕТРСКИ КОЛОНИ по обвинувањата на Русите и Украинците за подготовки за НУКЛЕАРЕН НАПАД

Скај њуз објави дека луѓето бегаат од областа околу нуклеарната централа Запорожје, откако меѓусебните обвинувања на руската и украинската страна за планиран напад на централата доведоа до паника меѓу Украинците.

Доминик Вогхорн, уредник на делот за надворешна политика на Скај њуз, наведува дека Русија направила преседан за таков настан со минирање на браната Каховка, што Москва инаку го негираше.

– Зголемена вознемиреност (меѓу Украинците) предизвика руските тврдења објавени на блогови дека Украинците планираат напад на електраната. Кога Русите ги обвинуваат Украинците дека подготвуваат нешто, тоа често е знак дека тие се подготвуваат сами да го направат тоа, како што видовме во случајот со браната Каховка – рече Вогхорн.

Заедно со тврдењата на блоговите и коментарите на украинскиот претседател Володимир Зеленски за „можни експлозиви“ видени на покривот, руски нуклеарен советник се вели дека рекол дека украинскиот напад врз централата се очекува во текот на ноќта на 5 јули.

– Тоа доведе до аларм. Тоа доведе до тоа одреден број Украинци нагло да ја напуштат земјата. Гледаме редици на граничниот премин со Молдавија кои се протегаат на околу 3,2 километри, а такви какви што не сме виделе со месеци – изјави уредникот на Скај њуз.

Се известува дека извори од британската телевизија наведуваат дека дел од руските војници во последните денови се повлекле од нуклеарната централа Запорожје.