ПАНИКА ВО КИНА, ВСЕЛЕНСКА РАКЕТА ПАДНАЛА ВО СЕЛО! Драматично видео, брзајќи кон земјата додека мештаните трчаат да се спасат (ФОТО, ВИДЕО)

На социјалните мрежи во Кина, а потоа и на целиот интернет, се појави видео на кое се гледаат остатоци од кинеско летало како паѓа во село на југозападот на земјата.

Си-Ен-Ен наведува дека снимката ја добила од локални очевидци.

На снимката направена во саботата, може да се види како ракетата паѓа кон земјата, оставајќи зад себе жолта трага.

Се вели дека драматичната снимка се појавила веднаш по лансирањето на ракетата Long March 2C од центарот за лансирање на сателити Ксичанг во југозападната провинција Сечуан истиот ден во 15 часот по локално време.

Ракетата носеше во орбитата моќен сателит кој заеднички го развија Кина и Франција за да ги проучува најоддалечените експлозии на ѕвезди познати како изливи на гама-зраци.

Американската телевизија потсетува дека кинескиот претседател Си Џинпинг вети дека ќе ја направи Кина доминантна вселенска сила и го засили извршувањето на мисиите за да го направи Пекинг конкурентен на тоа поле со другите големи светски сили, вклучително и Соединетите држави.

Кинеската корпорација за наука и технологија за воздухопловство (CASC) се вели дека го оценила лансирањето како „целосен успех“.