Паровите кои ги практикуваат овие навики имаат среќни и здрави бракови
Денес е многу потешко да се биде во брак отколку порано. Без разлика дали сме преоптоварени со работа, грижа за деца или завршување на домашните обврски, сите сме зафатени од нашите пренатрупани распореди. Сакаме да поминуваме време со нашите сопружници, но обврските постојано се појавуваат и пред да знаеме, „уште десет минути“ станува мантра во нашиот брак; а потоа се прашуваме зошто нашата врска е во неволја.
За среќа, терапевтите д-р Тами Нелсон, Харвил Хендрикс, Хелен ЛаКели Хант, Тони Виктор, Сју Батлер и Кимберли Андерсон споделија шест совети за одржување на среќен и здрав брак.
- Развијте дневни рутини за себе, но и за вас двајцата заедно: „Без разлика дали тоа значи да правите неделен двоен состанок со вашиот најдобар пријател или да одвоите време само за вас двајца, рутината ќе ве мотивира. Излегувањето од дома и добивање на свеж воздух е многу потребно, и тоа е добар прв чекор ако не сте сигурни од каде да започнете“, велат терапевтите за YourTango.
- Бидете искрени за тоа како се чувствувате: Експертите велат дека без разлика колку е очигледен стресот од мајчинството, големи се шансите вашиот сопруг да не разбира целосно што се случува. „Не плашете се да зборувате“, советуваат тие.
- Повикајте некое засилување: „Нема ништо лошо во тоа да добивате помош однадвор. Ослободете се од тој менталитет сега. Имајќи дополнителен сет на очи и уши за ситуацијата може да направи голема разлика“, се согласија терапевтите.
- Понекогаш го ставате бракот на прво место: терапевтите истакнуваат дека родителите понекогаш се толку зафатени со родителството што забораваат дека родителството не е нивниот единствен идентитет. Кимберли Андерсон нагласува: ,,Мислам дека една од најважните работи што паровите можат да ја направат е да го слават својот идентитет како маж и жена, не само како мајка и татко. Мислам дека е важно да ги освежите работите гледајќи го вашиот партнер како маж или жена, а не исто како таткото или мајката на нивните деца“.
- Согласете се понекогаш да не се согласувате: Сите здрави парови се расправаат и тоа е сосема природно, ако е во нормални граници. Значи, важно е како се справуваме со овие аргументи. Терапевтите велат: „Запомнете дека борбата не е да се најде победник, туку да се дојде до точка каде што и двајцата ќе се чувствувате слушнати и разбрани“.
- Покажете ја вашата љубов јавно: Ако им покажете на вашите деца колку се сакате ќе влијае на начинот на кој тие гледаат на идните врски.
„Иако овие брзи совети гарантирано ќе го подобрат вашиот однос со партнерот, Рим не е изграден за еден ден. Секогаш кога ќе почувствувате потреба да се фокусирате само на работата, направете си услуга и одморете се“, заклучуваат терапевтите.
