Пензионер починал откако го нападнале рој пчели на градскиот плоштад: „Добил 1.000 убоди, неколкумина повредени“
Уште неколку луѓе, меѓу кои и деца, биле искасани од пчели и биле хоспитализирани.
Аргентински пензионер почина како последица на каснување од голем рој пчели на градскиот плоштад во Санто Тома.
Како што пренесува Мирор, Рамон Силва (71) починал под дрво откако претрпел повеќе од илјада убоди од пчели .
Единицата за контрола на комарци, која во тоа време била во близина, наводно ја затресла кошницата со пчели додека запрашувале од комарци кои носат денга.
После тоа, пчелите се вознемириле и почнале да ги напаѓаат луѓето во околината.
Внуката на Рамон, Макарена Дуете потврди дека бројот на убодни рани што ги претрпел нејзиниот дедо е исклучително голем.
„Дедо ми седеше на плоштад и пиеше вино, како и секој ден, никого не задеваше. Кога службата почна да ги запрашува комарците, без претходно предупредување, ројот целосно дивееше и почна да ги напаѓа децата, луѓето на плоштадот. Беше хаос“, додаде таа.
