Пентагон вели дека ќе ја „забрза“ испораката на ракетите „Патриот“ за Украина

Пентагон соопшти дека ќе ја „забрза“ испораката на ракети за противвоздушна одбрана „Патриот“ и артилериска муниција за Украина како дел од новиот пакет воена помош.

САД ќе искористат 6 милијарди долари за оваа намена, откри во петокот министерот за одбрана Лојд Остин.

Сепак, системите за лансирање на ракети Патриот нема да бидат испратени, пишува Би-Би-Си,

Украинскиот претседател Володимир Зеленски рече дека „Патриотите“ се „итно“ потребни за справување со растечката руска воздушна закана и „може и треба да спасуваат животи сега“.

Извор потврди за Би-Би-Си дека 6-те милијарди долари се дел од пакетот помош од 60 милијарди долари, потпишан во закон од американскиот претседател Џо Бајден во средата, кој исто така вклучува и една милијарда долари повеќе непосредна помош.

Тие би вклучиле муниција за противвоздушна одбрана, системи против беспилотни летала и артилериска муниција, но не и ракетни системи Патриот.

Тој додаде дека е уверен оти на Киев наскоро ќе му бидат достапни повеќе ракетни системи.

Во тек се разговори со европските партнери, нагласи тој, за обезбедување дополнителни капацитети.