Пентагон развива „чудовиште“ во најголема тајност: Објавени симулации на бомбардирањето на Москва!
Според експертите, САД не биле толку ангажирани во развојот на нуклеарно оружје од Втората светска војна.
Објавени се мапи кои го покажуваат пустошот што би можел да биде предизвикан доколку врз Москва ce фрли нов тип нуклеарна бомба што тајно ја развива администрацијата на Бајден, пишува Дејли Мејл.
Пентагон оваа недела објави дека развива нова нуклеарна „гравитациска бомба“ која е 24 пати помоќна од нуклеарната направа детонирана во Хирошима.
Б61-13 е 13-та варијанта од семејството на „гравитациони бомби“ Б61.
Гравитационите бомби не се управувани, но оваа нова ќе има опрема што ќе помогне во нишанењето и ќе обезбеди поголема прецизност.
Симулацијата со помош на Nukemap проценува дека бомбата Б61-13 од 360 килотони ако експлодира над Москва ќе резултира со стотици илјади жртви, речиси милион повредени и голема штета на нелолку километри наоколу.
Иако точната експлозивна моќ на Б61-13 не е откриена, новата бомба најверојатно ќе ја има истата експлозивна моќ како нејзиниот претходник, Б61-7 од времето на Студената војна, проценета на 360.000 тони, со радиус на експлозија од приближно 50 километри.
Да паднеше над Москва, Б61-13 најверојатно ќе предизвикаше значително уништување со околу 300.000 мртви и 870.000 повредени.
Сè што е во радиус од еден километар од местото на детонација на бомбата ќе биде проголтано од огнената топка, експлозијата ќе урива згради и веројатно ќе ги убие сите останати во рок од два километри.
Оние кои се во радиус од 3 километри од местото на детонација, исто така, ќе страдаат од високи нивоа на радијација што веројатно ќе ги убие во рок од еден месец. Уште 15 проценти од преживеаните би умреле од рак подоцна во животот.
Оние кои живеат во згради веројатно не би поминале подобро со оглед на пожарите и уривањето на зградите, како и од повредите кои ќе ги добијат.
Детонацијата би создала огромна огнена топка во радиус повеќе од шест километри, создавајќи ветрови со ураганска сила над 100 степени Целзиусови.
Експертите веруваат дека пожарот би горел и повеќе од шест часа, создавајќи смртоносна средина за повеќе од 100 километри – област околу 10 до 15 пати поголема од онаа што изгорела во Хирошима, според Waging Peace, организација за човекови права.
Првенствено, новата бомба има за цел да дејствува како одвраќање, истовремено обезбедувајќи „дополнителни способности“ против специфични воени цели.
Пентагон објасни дека развојот на новото моќно оружје „го зајакнува одвраќањето на противниците и безбедноста на сојузниците“ обезбедувајќи му на претседателот Бајден „дополнителни способности против одредени потешки и поголеми воени цели“.
Помошникот секретар за одбрана за вселенска политика Џон Пламб го објасни развојот на новата бомба, опишувајќи ја како „одраз на променливата безбедносна средина и растечките закани од потенцијалните противници“.
„САД имаат одговорност да продолжат да ги проценуваат и распоредуваат капацитетите неопходни за веродостојно одвраќање и, доколку е потребно, одговор на стратешките напади и да ги уверат нашите сојузници“, рече тој.
Проектот во суштина ќе ја користи истата боева глава Б61-7 сместена во ново куќиште.
За разлика од постариот модел, новата бомба ќе има модерни безбедносни и контролни карактеристики и надградена ,,опашка” која ќе и’ помогне да падне и да ја погоди целта.
Претходната боева глава беше произведена од 1980-тите до раните 1990-ти пред да биде исфрлена од употреба под администрацијата на Џорџ В. Буш.
Администрацијата на Обама го одобри развојот на Б61-12, а првата единица беше произведена во ноември 2021 година.
„Програмата Б61-12 беше контроверзна поради високата цена. Се проценуваше дека чини 4 милијарди долари во 2010 година, но проценката на Националната администрација за нуклеарна безбедност се искачи на 8 милијарди долари во 2012 година, а Министерството за одбрана ја проценува цената на 10,4 милијарди долари во 2013 година, се вели во извештајот во Bulletin of the Atomic Scientists.
Новиот склоп со ,,водена опашка” ќе чини уште 1,8 милијарди долари, а интеграцијата на пет различни авиони ќе чини стотици милиони повеќе.
Програмата Б61-12 е веројатно најскапата програма за нуклеарна бомба во историјата на САД досега.
Б61-13 ќе има два главни склопови: склоп на бомба и склоп за водење на опашката.
Комплетот за опашка е опремен со четири подвижни перки и вшмукување на опашката.
„Б61-13 ќе ги искористи сегашните воспоставени производствени способности што го поддржуваат Б61-12 и ќе ги инкорпорира модерните безбедносни моќи, а ќе ги има и моќите за заштита и карактеристики на прецизноста на Б61-12“, се вели во соопштението на Министерството за одбрана во октомври.
„Б61-13“ може да биде испорачан со модерен авион, зајакнувајќи го одвраќањето на противниците и гаранцијата на сојузниците и партнерите, обезбедувајќи му на претседателот дополнителни опции против одредени потешки и поголеми воени цели.
„Тој би заменил некои од Б61-7 во сегашните нуклеарни резерви и ќе има моќ слична на Б61-7, што е поголема од онаа на Б61-12.
Сепак, официјалните лица забележаа во соопштението дека никакви конкретни закани не го поттикнале развојот на Б61-13.
Во моментов, САД имаат околу 3.700 нуклеарни боеви глави, од кои 1.419 се распоредени.
САД сега се ангажирани во своите најамбициозни напори за развој на нуклеарно оружје повеќе отколку за времето на Втората светска војна.
САД ќе потрошат повеќе од 750 милијарди долари во текот на следната деценија за обнова на речиси секој дел од застарената нуклеарна одбрана бидејќи некои системи и делови се стари повеќе од 50 години.
Минатиот месец беше откриено дека Кина собрала најмалку 500 оперативни нуклеарни боеви глави, повеќе отколку што претходно процценуваа САД.
Во својот годишен извештај за воената моќ на Кина, Пентагон објави дека Пекинг го зголемил производството и дека ќе го удвои до крајот на деценијата.
Откритието беше дополнителен удар за односите меѓу двете најголеми светски економии, кои се веќе на најниско ниво долго време.
Покрај нуклеарниот напад на Кина, тензиите се зголемуваат за низа прашања, вклучувајќи ја агресивноста на Пекинг кон Тајван, неговите воени активности во Јужното Кинеско Море, трговијата и човековите права.
Пекинг е посветен на политиката да „нема употреба“ на нуклеарно оружје, што значи дека никогаш нема да изврши превентивен напад.
САД не се придржуваат до политиката „да нема употреба“ и велат дека нуклеарното оружје ќе се користи само во „екстремни околности“, пишува Дејли Мејл.
