Пет знаци на замастен црн дроб кои можат да се забележат на лицето
Болести на црниот дроб понекогаш е тешко да се откријат во раните фази бидејќи немаат очигледни симптоми. Истражувањето презентирано претходно оваа година на состанокот на Ендокриното друштво предупреди на загрижувачкиот факт дека секој трет возрасен живее со нарушување на црниот дроб што може да го зголеми ризикот од кардиоваскуларни болести, рак или дијабетес тип 2.
Заболувањето на замастен црн дроб може да биде предизвикано од дебелина, висок шеќер во крвта и високо ниво на маснотии во крвта. Оваа болест значително го оштетува црниот дроб, а исто така може да доведе до цироза, која е опасна по живот медицинска состојба.
Според лекарите, заболувањето на замастен црн дроб обично не предизвикува забележителни проблеми во раните фази, но постојат пет симптоми кои можат да се забележат на лицето. Овие се:
- жолта кожа и жолти очи (жолтица)
- црвена кожа
- розацеа
- восочен изглед
- видливи капилари на лицето.
Овие симптоми се појавуваат кога црниот дроб почнува да откажува и укажуваат на тоа дека телото се обидува да се исчисти од разни видови отпад. Во случај да ги забележите овие симптоми, консултирајте се со вашиот лекар за понатамошни чекори.
