Пет намирници кои треба да ги избегнуваме доколку имаме покачен холестерол

ИАКО холестеролот сам по себе не е лош, доколку неговото ниво е покачено и неконтролирано, може да доведе до низа негативни последици. Според Клиниката во Кливленд, зголемениот холестерол е еден од најзначајните фактори на ризик за развој на кардиоваскуларни болести.

Имајќи предвид дека високиот холестерол често нема никакви симптоми кои ја откриваат оваа состојба, повеќето луѓе често не ги следат нивните вредности. Токму затоа е важно да се внимава на нивото на холестерол за да се избегнат здравствени проблеми, предупредуваат лекарите.

Додека ограничениот внес на холестерол во нашата исхрана е во ред, многу заситени масти не е. Имено, студиите покажуваат дека храната со висока содржина на заситени масти е поврзана со зголемен холестерол во крвта и ризик од срцеви заболувања.

Затоа експертите препорачуваат ограничување или избегнување на следните намирници кои придонесуваат за дополнително зголемување на холестеролот во крвта. Ова го подразбира следново:

• црвено месо
• производи од месо
• пржена храна
• бел леб
• путер.