ПЛАЖА ПОЛНА СО МРТВИ ПИНГВИНИ: Научниците велат дека не е нормално 2.000 од нив да умрат одеднаш, постои сомневање дека умреле од глад
Речиси 2.000 мртви пингвини се пронајдени на источниот брег на Уругвај во изминатите десет дена, а иако причината за чумата се уште не е позната, властите соопштија дека најверојатно не се работи за птичји грип.
– Магеланските пингвини, вид кој ја населува Јужна Америка, главно млади, умреле во Атлантскиот Океан пред водните струи да ги донесат во југоисточните оддели Канелонес, Малдонадо и Роча – изјави за AFP Кармен Лиезагоен, раководител на одделот за фауна во уругвајското Министерство за животна средина.
Според неа, 90 отсто од пингвините кои умреле биле оние на помлада возраст без масни наслаги и кои имале празен стомак. Таа додаде дека тестовите за птичји грип биле негативни.
Видот пингвин кој живее во јужна Аргентина мигрира на север во потрага по потопли води во текот на зимата на југ и може да оди до брегот на југоисточната бразилска држава Еспирито Санто.
– Нормално е еден процент да умре, но не толку – рече Леизагојен и потсети дека тоа се случи минатата година во Бразил и дека нема познати причини.
Хектор Каимарис, директорот на заштитената лагуна Роча, изјави за АФП дека изброил повеќе од 500 мртви пингвини на десет километри плажа.
Активистите за заштита на животната средина ја припишуваат смртта на овие пингвини на прекумерен и незаконски риболов.
– Од 1990-тите и 2000-тите почнавме да гледаме на животните на кои им недостига храна – рече Ричард Тесор од невладината организација за спас на морската фауна и укажа на преголемата експлоатација на морските ресурси.
Според него, циклонот што се појави во Атлантикот и го погоди југоисточниот дел на Бразил во средината на јули најверојатно довел до смрт на најслабите поединци, поради лошите климатски услови.
Тесор рече дека покрај пингвините, на плажите во Малдонадо, источно од уругвајската престолнина Монтевидео, нашол мртви и албатроси, галеби, морски желки и морски лавови.
