ПЛАНОТ ЗА ТРОШЕЊЕ ГИ ОТКРИ ТЕМНИТЕ ПРЕДВИДУВАЊА НА ЗАПАДОТ – Еве кога САД и Г-7 очекуваат да заврши крвавата војна меѓу Русија и Украина: “Никој не го очекуваше ова!“
САД и нивните сојузници од Г-7 веруваат дека војната во Украина би можела да трае уште седум години и го земаат предвид тоа сценарио при планирањето на трошоците.
Висок функционер на една од европските земји на Г-7 открил дека тоа е многу подолго отколку што многумина претпоставуваа, меѓутоа, бавниот напредок на украинската контраофанзива ги смири очекувањата. Сега сојузниците треба да планираат финансиска поддршка за да продолжат да го поддржуваат Киев за време на толку долг конфликт.
„Лидерите на Г-7, вклучително и претседателот на САД, Џо Бајден, ја објавија својата прогноза на Генералното собрание на ОН, кое започна во Њујорк на 16. септември. Претставниците на Г-7 разговараа за ова прашање зад сцената во понеделникот и се согласија дека војната најверојатно ќе продолжи на среден до долг рок“, изјави портпаролот на американскиот Стејт департмент, пренесува Bloomberg.
Во исто време, Џо Бајден јавно потврди дека САД и нивните сојузници и партнери ќе продолжат да ја поддржуваат Украина. САД и ЕУ потрошија десетици милијарди долари во воена и хуманитарна помош за Украина за да и помогнат да ја одбрани руската инвазија. Сојузниците обезбедија оружје и обука за украинска контраофанзива, но украинските вооружени сили имаат потешкотии да ги пробијат руските одбранбени линии. Сè помалку време останува поради претстојното влошување на временските услови и наближувањето на зимата, што ќе ги отежне воените операции.
Претседателот на Здружениот генералштаб на САД, генерал Марк Мили, во понеделникот кажа дека на Украина ќе и треба „многу долго време“ за да постигне целосна победа. Марк Мили наведува дека за време на сегашната контраофанзива нема да биде можно да се постигне ослободување на окупираните територии бидејќи во тој дел на Украина има многу повеќе од 200.000 руски војници.
Генералниот секретар на НАТО, Јенс Столтенберг, исто така препорача подготовка за продолжен конфликт. Тој истакна дека секој би сакал брз мир, но ако Украина веднаш престане да се бори, тогаш на нејзиното постоење „ќе дојде крајот“.
Германија исто така предвидува и долга војна.
