„Повеќе од половина војници пратени во Бахмут не се вратија живи“ – Француски офицер и инструктор презентира шокантни податоци

Повеќе од половина од Украинците кои поминале воена обука во една од балтичките земји починале или исчезнале откако биле испратени во Бахмут, пишува француски „Фигаро“.

– Повеќе од половина од Украинците обучени и испратени на фронтот во Бахмут (украинско име за Артјомовск) не се вратија – изјави францускиот инструктор, истакнувајќи дека станува збор за Украинци кои биле обучени во една од балтичките војски, пренесува „РИА Новости“.

Според весникот, важно е конфликтот да не влијае на француската армија.

– Видовме случаи на посттрауматски стрес кај инструкторите за обука – рече францускиот војник.

Дополнително, „Фигаро“ пренесува дека Франција планира да обучи уште 4.000 украински војници во 2023 година, а обуката ќе биде прилагодена на потребите на Киев.

– Пролетта украинската армија беше обучена за управување со оклопни возила и употреба на системи за противвоздушна одбрана. Останатите тренинзи беа насочени кон борба или команда – се наведува во написот.

Во исто време, претставник на офицерско училиште во Франција изјави дека на украинските војници немаат координативни вештини и дека француските инструктори мора да обрнат посебно внимание на тоа.