Нејмар доби вртоглава понуда! Бразилецот би можел да го надмине и Кристијано Роналдо во богатство доколку се согласи !?

Фудбалерот на ПСЖ, Нејмар добил неверојатна понуда од Саудиска Арабија. Бројката за договорот е вртоглава.

Турскиот новинар Јакуп Чинар објави дека клубот Ал Хилал му понудил на Нејмар 600.000.000 евра! Оваа вест потоа ја пренесоа светските медиуми, а менаџерскиот тим на Бразилецот се уште не реагирал на информацијата.

Според изворот, договорот што би го добил Нејмар во Ал Хилал е на три години, што значи дека Бразилецот би добивал 200.000.000 евра годишно. Кристијано Роналдо, кој и понатаму е најплатен фудбалер во таа земја, исто толку добива во Саудиска Арабија, но само во клубот Ал Наср.

Договорот на 31-годишниот напаѓач со францускиот клуб Пари Сен Жермен истекува во летото 2025 година. Тоа значи дека и Ал Хилал би морал да им плати отштета на Французите за Нејмар. Засега не е познато колку сопствениците од Катар би побарале за Бразилецот.

Ова лето интерес за Нејмар покажаа два клуба од англиската Премиер лига – Манчестер Јунајтед и Челзи.