ПОВЕЌЕ ОД 450 ПАЦИЕНТИ ЖИВЕАТ ВО СТРАВ – Од позната болница признале дека постои можност при преглед да биле заразени со вирусот на хепатитис и ХИВ

Стотици пациенти во болницата „Салем“ во Масачусетс, САД, можеби биле заразени со вируси на хепатитис Б и Ц, како и со ХИВ.

Инфекцијата меѓу пациентите не е официјално потврдена.

Болницата, која се наоѓа на околу 30 километри североисточно од Бостон, соопшти дека речиси 450 пациенти кои биле подложени на ендоскопски процедури во период од две години можеби биле изложени на злобниот вирус.

Ендоскопијата се тестови кои се прават со вметнување на инструмент сличен на цевка во телото што му дава слика на докторот. Вообичаени ендоскопски процедури се бронхоскопија, колоноскопија и лапароскопија.

„Пациентите можеби биле изложени при интравенска администрација на лекови на начин што не е во согласност со најдобрата практика“, соопштија од болницата, пренесуваат американските медиуми.

Раководството станало свесно за инцидентите на почетокот на оваа година и ја коригираше практиката и ги информираше за квалитетот на услугата и тимовите за контрола на инфекции. Претставниците на болницата не открија дополнителни детали за тоа како дошло до изложеност или какви мерки биле преземени за да се спречат слични проблеми.

Болницата во „Салем“ соопшти дека работи со здравствените служби на Масачусетс и дека по истрагата, се утврдило дека ризикот од инфекција на пациентот од овој настан е исклучително низок.

„Ги известуваме сите пациенти кои можеби биле заразени дека болницата има воспоставено телефонска линија со медицински персонал за да одговара на прашања и да обезбеди бесплатно тестирање и поддршка на засегнатите“, се вели во соопштението.