Повеќе слики од ерупцијата на вулканот во Индонезија каде загинаа 11 планинари
Единаесет алпинисти беа пронајдени мртви во понеделникот, а 12 се уште се водат како исчезнати по ерупцијата на вулкан во Индонезија.
Спасувачите работеа во текот на ноќта за да пронајдат десетици планинари заробени на планината Марапи на островот Суматра.
Мртвите планинари биле пронајдени во близина на кратерот Марапи, откако вулканот висок 2.891 метар исфрлил пепел во околните села, според локален претставник на спасувачките служби.
At least 11 hikers found dead on Indonesia's Mount Merapi after eruption of the volcano pic.twitter.com/eFC39yK47P
— TRT World Now (@TRTWorldNow) December 4, 2023
Дванаесет лица се водат како исчезнати, три други се пронајдени живи, а 49 безбедно се симнале од кратерот, некои со изгореници и скршеници, рече официјалниот претставник.
„Не можеме да извршиме воздушна потрага со хеликоптер бидејќи експлозијата е во тек“, изјави шефот на локалната агенција за спасување Абдул Малик, пишува РЕЛ.
Тој нагласи дека во потрагата се вклучени околу 120 лица.
Earlier today, Indonesia’s Mount Marapi volcano in the West Sumatra province erupted. The volcano spewed volcanic ash as high as 9,843 ft into the air.
— Steve Hanke (@steve_hanke) December 4, 2023
This just confirms Hanke’s School Boy’s Theory of History: It’s just one damn thing after another.pic.twitter.com/P8YE8Fh9WW
Останатите три лица кои беа пронајдени живи не се симнале од планината заедно со 11-те загинати.
Тие тројца преживеани беа пронајдени во близина на кратерот и „нивната состојба беше лоша, а некои имаа изгореници“, рече Малик.
Портпаролот на локалната агенција за спасување Џоди Харјаван изјави дека спасувачките напори биле прекинати поради спорадични експлозии, но потрагата се уште е во тек, и покрај опасностите.
#WATCH: #Indonesia’s volcano Mount Marapi in Sumatra erupts, spewing ash 3km into sky. pic.twitter.com/IVQqonQ7f9
— The Watcher 🌎 (@TheWatcherDaily) December 4, 2023
Додека шефот на Агенцијата за ублажување на катастрофи на Западна Суматра, Руди Риналди, изјави за АФП дека некои од спасените планинари се здобиле со изгореници.
„Оние кои се повредени се оние кои се приближија до кратерот“, рече тој.
Најмалку осум лица се здобиле со изгореници, едното имало изгореници и скршеница, а другото имало рана на главата, според списокот на оние пронајдени од Басарнас, национална агенција за пребарување и спасување.
