Погледнете како Пике го поздрави Касиљас по убедливата победа на Барселона против Реал (видео)

Легендата на Барселона, Жерар Пике знаеше како да ја прослави убедливата победа на неговиот тим против Реал од 5:2 во финалето на шпанскиот Суперкуп, а овојпат „жртва“ беше Икер Касиљас.

Пике и Касиљас беа во Торино каде се играше финалето на Кралската лига, а поранешниот ас на Барса по натпреварот му пријде на легендарниот голман на Реал и го поздрави со „петка“.

Касиљас со спортски дух и смисла за хумор ја прифати шегата на поранешниот играч на Барса, го потапка по лицето, а овој момент го сними со својот мобилен телефон.

Жерар Пике ја започна серијата од високи пет со своето исконско славје во 2010 година, откако Барса на Гвардиола го победи Реал Мадрид на Мурињо со 5-0, а гестот го повтори во 2018 година со победата на Барселона над Реал Мадрид од 5-1.

Ова веќе беше негова трета „петка“, а овој тип на прослава го воспостави Тони Бруинс Слот. Помошникот на Јохан Кројф покажа пет прсти на Камп Ноу по победата на Барса од 5-0 над Реал во сезоната 1993/94.