Погледнете што му направија на иконскиот стадион на Манчестер Сити: Само центарот остана недопрен (фото)

Култниот стадион на Манчестер Сити наречен „Мејн Роуд“, по кој дојде модерниот стадион „Етихад“, денес е дом на 474 семејства.

Во 2003 година, Манчестер Сити го одигра својот последен натпревар и се збогува со иконскиот „Мејн Роуд“. Присутни биле 35.000 гледачи, а теренот потоа бил срамнет со земја со булдожер.

Поранешниот стадион на Манчестер Сити е претворен во станбен комплекс во кој живеат 474 семејства. Сепак, навивачите на Сити од целиот свет сè уште пристигнуваат на Мејн Роуд за да видат за што се работи и што има таму денес, но жителите на областа немаат ништо против.

Навивачите сè уште се собираат на Мејн Роуд за да се фотографираат покрај иконските знаци, местото каде што беа трибините и сите други делови што останаа недопрени, сè за да се знае дека ова беше домот на Манчестер Сити пред неколку децении.

Центарот на теренот остана недопрен како споменик на стадионот и денес е трансформиран во мал парк.

„Живеевме во Витншоу и сакавме да најдеме некаде во јужен Манчестер што е прифатливо. А фактот дека тоа беше стариот стадион на Сити очигледно беше голема привлечност. Тука има вистинско чувство за историја“, рекоа навивачите на Манчестер Сити и жителите на комплексот, Лиза Џонстон и Бруно Нуњес.

„Мејн Роуд“ беше стадион на Манчестер Сити од 1923 до 2003 година. Клубот таму освои две англиски првенства.

Најголема посетеност на „Мејн Роуд“ од 84.569 гледачи е забележана во 1934 година на натпревар од ФА Купот помеѓу Манчестер Сити и Стоук. Тоа е исто така рекорд за англиски клупски стадион, не сметајќи го државниот „Вембли“.