„ПОДГОТВЕНИ СМЕ ЗА КОНСТРУКТИВЕН ДИЈАЛОГ“ Захарова реагираше на потегот на новиот аргентински претседател: Ќе мора да спроведе…
Русија е отворена за конструктивен дијалог со Аргентина за широк спектар прашања од меѓународната и билатералната агенда, изјави денеска портпаролката на руското Министерство за надворешни работи Марија Захарова, откако новоизбраниот аргентински претседател Хавиер Милај му понуди на својот украински колега Володимир Зеленски да одржи самит со латинските земји во Аргентина и Латинска Америка за постигнување мир во Украина.
Таа изјави за РИА Новости дека Москва го зема предвид фактот дека во моментов се формира новата аргентинска влада „ која ќе треба да спроведе програма за решавање на тешките проблеми со кои се соочува земјата”.
– Очекуваме за време на таквата работа да биде изготвен конкретен план за надворешнополитички чекори, земајќи ја предвид улогата на Аргентина во светските работи и оценката на глобалната и регионалната реалност – рече Захарова.
Дијана Мондино, советничка за надворешна политика на аргентинскиот претседател, објави денеска дека Мајли му предложила на Зеленски во телефонски разговор Аргентина да одржи конференција меѓу Латинска Америка и Украина.
Како што се наведува, се зборувало за можна соработка меѓу двете земји во врска со истрагата за руските воени злосторства во Украина.
