“ПОДГОТВЕН ЗА ГОЛЕМИ РЕШЕНИЈА“ – Очите на светот вперени во Дејвид Камерон: Овие теми ќе бидат приоритет на неговата идна политика

Дејвид Камерон направи неверојатен кам-бек на голема врата во политиката, преземајќи ја функцијата министер за надворешни работи на Велика Британија, пишува весникот The Guardian.

По ова назначување, Дејвид Камерон вети дека ќе му помогне на премиерот на Велика Британија, Риши Сунак, да реши „застрашувачки збир на меѓународни проблеми“, меѓу кои ги наведе војната во Украина и кризата на Блискиот Исток.

Враќањето на Дејвид Камерон во големата политика дојде како дел од поголемата реконструкција на владиниот кабинет на Риши Сунак.

Коментирајќи го овој настан, Дејвид Камерон на социјалната мрежа Х (Твитер) напиша дека Велика Британија се соочува со „застрашувачки збир на меѓународни проблеми“.

Дејвид Камерон поднесе оставка во 2016 година по поразот на референдумот за Брегзит. Според достапните информации, тој во 2018 година им рекол на пријателите дека сака да се врати во големата политика, по можност како министер за надворешни работи.

Оттогаш тој остана релативно тивок во јавната сфера, иако пред две години се вплетка во скандал кога лобираше кај британските министри да ја финансираат сега пропаднатата фирма за финансиски услуги Greensill Capital.

Одлуката на Риши Сунак да го врати Дејвид Камерон веројатно ќе ги задоволи умерените членови на Конзервативната Партија, но може да го налути и десното крило на партијата, особено затоа што последната голема политичка акција на Дејвид Камерон беше неуспешна кампања за останување во ЕУ.