Поддржувачи на ПКК нападнаа набљудувачи во Холандија за изборите во Турција

Група, која вклучуваше поддржувачи на терористичката организација ПКК, вчера во главниот град на Холандија, Амстердам ги нападна набљудувачите на изборно место за време на предвременото гласање за претседателските и парламентарните избори кои треба да се одржат на 14 мај во Турција.

Групата, која вклучуваше набљудувачи на гласачките кутии на партијата Зелена левица и поддржувачи на ПКК, ги нападна набљудувачите на гласачките кутии на Народната алијанса додека гласачките места се затвораа во Конгресниот центар РАИ во Амстердам.

Полицијата пристигна на местото на настанот и интервенираше со палки и кучиња против напаѓачите, кои извикуваа слогани во корист на ПКК и нејзиниот осуден водач, Абдула Оџалан.

Тие ја обезбедуваа околината сè додека не заврши процесот на затворање на гласачките кутии, пребројување на гласовите и пликовите и нивно ставање во вреќи и нивно запечатување.

Процесот на гласање на граничните премини и дипломатските претставништва во странство започна на 27 април.

Изборите во Турција ќе се одржат на 14 мај. На претседателските ливчиња гласачите ќе избираат меѓу актуелниот претседател Реџеп Таип Ердоган, кој се кандидира за реизбор, и опозициските кандидати Кемал Киличдароглу, Мухарем Инџе и Синан Оган.

На изборите, за места во 600-члениот турски Парламент ќе се борат 24 политички партии и 151 независен кандидат.

ИЗВОР: ТРТ Балкан