„ПОЗНАТА ПЕЈАЧКА СРЕДЕ КОНЦЕРТ ЈА ГРИЗНА ЛИЛЈАК“ Итно пренесена во болница (ВИДЕО)
Ѕвездата од серијата „Gossip Girl“ Тејлор Момсен доживеала страшна средба со лилјак и тоа на нејзиниот концерт .
Таа во средата настапувала на сцената со својот бенд „The Pretty Reckless“ во Севиља, Шпанија, кога доживеала несреќа.
30-годишната пејачка и текстописец, чиј рок бенд ги поддржува AC/DC на европската етапа на турнејата Power Up, ја пееше својата песна „Witches Burn“ на стадионот Ла Картуја кога лилјак се закачи на неа и ја гризна за ногата.
Момсен подоцна сподели видео од инцидентот, како и снимка од нејзиното патување во болница, велејќи им на своите фанови дека ќе треба да добие вакцина против беснило во следните две недели.
„Значи… рокенрол момент… во Севиља во средата за време на „Witches Burn“ од сите можни песни… ми леташе лилјак и ми се залепи на ногата… “, напиша Момсен во својата објава на Инстаграм.
„Во моментот кога настапував немав поим додека толпата не почна да вреска и да покажува“, продолжи таа.
„Тој беше симпатичен, но да, ме касна… сега вакцини против беснило во следните две недели, благодарение на болничкиот персонал.
На видеото од концертот Тејлор пее, а потоа забележува дека публиката се обидува да и го привлече вниманието.
„Вие луѓе покажувате кон нешто, а јас не знам што зборувате“, им рече таа на толпата.
Пејачката потоа се сврте и се спушти кога здогледа лилјак како се држи до долниот дел од нејзиниот црно-бел фустан од тантела.
„Ах, да ти е*ам! “ Извика таа и се врати на микрофонот и им рече на присутните: „Во моментов имам лилјак на ногата“.
Таа остана мирна и продолжи да стои пред микрофонот додека членовите на бендот се приближуваа за да помогнат да го извадат животното.
„Мора навистина да сум вештерка“, се пошегува таа, а потоа доби овации од толпата.
Таа сподели слики од неа во болница, како и каснување на ногата и слика од медицинска сестра која дава инјекција.
