Познати нови детали за смртта на Метју Пери: Лекарите го оживеале во вода, не го префрлиле во болница

Познати се нови детали за смртта на познатиот актер Метју Пери (54), кој ненадејно почина во саботата во џакузито во својот дом во Лос Анџелес.

Итната помош била испратена во неговиот дом во саботата во 16:07 часот. Лекарите се обиделе да го спасат Пери додека тој се уште бил во џакузи, но напорите да го оживеат биле неуспешни и тој бил прогласен за мртов на местото на настанот.

Исто така, полицијата потврди дека актерот не бил префрлен во болница. Пери не бил однесен во болница, а подоцна било видено комбе на судска медицина како пристигнува на имотот. Официјалната причина за смртта се уште не е објавена.

Пери е пронајден во неговото џакузи и засега нема сомнеж дека се работи за кривично дело. Изворите рекоа дека Пери вчера одиграл двочасовна рунда со пикли.

Набргу потоа, тој ја испратил својата асистентка да работи, а кога таа се вратила два часа подоцна, открила дека Пери „не реагира“ и се јавила на 911.

Заедно со „Пријатели“ сними и бројни филмови. Во 1997 година глумеше со Салма Хајек во „Fools Rush In“, а во 1999 година со Брус Вилис во „The Whole Nine Yards“. Метју започна да го снима и филмот „Servicing Sara“, заедно со Елизабет Харли.