ПОЛИЦАЈЦИ ОД СТРАНЦИ БАРАЛЕ МИТО ОД 100 ЕВРА – Кривична пријава против двајца службеници поради примање поткуп

Кривична пријава е поднесена против двајца полициски службеници од Крива Паланка поради примање поткуп.

„Одделот за внатрешна контрола, криминалистички истраги и професионални стандарди до надлежното обвинителство поднесе кривична против полициските службеници Д.С. и Б.П., вработени во ПО за БПС Крива Паланка при СВР Куманово поради постоење основи на сомнение за сторено кривично дело „примање поткуп” по член 357 од КЗ“, се наведува во соопштението од МВР.

Имено, полициските службеници на 15. овој месец (ноември) за да не санкционираат сообраќаен прекршок побарале и примиле поткуп од две лица, странски државјани, во износ од 100 евра. Полициските службеници се изведени пред јавен обвинител, а од страна на истражен судија им е определена мерка притвор од 30 дена.