Полицијата приведе пет лица поради исчезнувањето на Вања, а сега откриен уште еден мистериозен детал

Министерот откри дека синоќа работеле до доцните часови и дека се приведени пет лица, како и дека како доказ е одземено едно возило.

Се појавија нови информации за исчезнувањето на 14-годишната Вања од Скопје, која исчезна на 27 ноември на пат кон училиште. Македонската полиција денеска соопшти дека привела пет лица кои се поврзани со исчезнатото девојче, но се уште се непознати причините.

За потсетување, Вања Ѓорчевска исчезна во еден од најфреквентните делови на Скопје. Во понеделникот, девојчето тргнало на училиште во 7:20 часот, а веќе било недостапно во 7:35 часот. Мајката во полиција изјавила дека се сомнева во киднапирање, бидејќи не можело да се најде друга логична причина зошто не контактирала со никого.

Она што најмногу ги мачи луѓето во Македонија е фактот што исчезнувањето на Вања било пријавено два пати во различни периоди.

Мајката го пријавила исчезнувањето веднаш откако класната раководител ја известила дека Вања не дошла на првиот час, околу 8:35 часот. Она што е мистериозно е фактот што таткото го пријавил исчезнувањето околу два часа подоцна.

Кој и кога всушност го пријавил исчезнувањето на девојчето и зошто имало две верзии на пријавата, објаснуваат од министерството.

– Мајката на девојчето нејзиното исчезнување го пријавила на 27 ноември во 08:35 часот на итниот број 112. Пријавата потоа била проследена до надлежните институции. Таткото, пак, службено го пријавил исчезнувањето истиот ден во 11 часот во полициска станица, соопшти МВР.

МВР постојано апелира да не се шират дезинформации и шпекулации во врска со овој случај.

Денеска, пак, министерот Спасовски откри дека работеле до доцна синоќа и дека се приведени пет лица, како и дека едно возило е земено како доказ, односно трага. Тој нагласи дека активностите за расветлување на случајот продолжуваат.