Поранешниот фински премиер Александар Стуб ќе се кандидира за претседател
Поранешниот фински премиер Александар Стуб во средата изјави дека ќе биде кандидат на претседателските избори во Финска кои треба да се одржат во јануари 2024 година.
Неговата објава дојде откако актуелниот премиер Петри Орпо во неделата побара од Стаб да стане кандидат на партијата Национална коалиција.
„Во оваа геополитичка ситуација одговорот е недвосмислен: кога ќе се јави татковината, тогаш ние одиме“, им рече Стуб на новинарите.
Стуб, моментално професор и директор на Европскиот универзитетски институт во Фиренца, Италија, имаше неколку министерски функции пред да биде премиер помеѓу 2014 и 2015 година.
Меѓу оние кои ја објавија својата кандидатура за претседателските избори се поранешниот министер за надворешни работи на Финска, Пека Хаависто , академик Мика Алтола и гувернерот на Банката на Финска, Оли Рен .
