ПОТПАРОЛОТ НА ИЗРАЕЛСКАТА АРМИЈА ПОТВРДИ – “Израелските копнени сили се во Појасот Газа!“

Израелските копнени сили се наоѓаат во Појасот Газа откако во текот на ноќта влегоа во енклавата, потврди утринава портпаролот на израелската Армија, Даниел Хагари.

„Израелските сили влегоа во Појасот Газа и ја проширија копнената операција во која беа вклучени пешадија, оклопни и инженерски единици и артилерија со силен оган“, изјави Даниел Хагари за време на брифингот со новинарите во Тел Авив.

„Силите се на терен и продолжуваат да се борат“, вели тој без да даде дополнителни детали.

Зборовите на портпаролот на израелските одбранбени сили (ИДФ) потврдуваат дека има проширување на воената операција по двата „целни копнени упади“, кои се случија во средата и четвртокот навечер. Во двата од овие напади, копнените сили се повлекоа по неколку часа.

Сепак, се чини дека некоја голема копнена офанзива насочена кон заземање и задржување на значителни количини територија сè уште е во тек.

Порпаролот вели дека Армијата не претрпела загуби во борбите во текот на ноќта.

Портпаролот на ИДФ вели дека жителите на Појасот Газа кои се преселиле јужно од Газа, воден пат што го минува центарот на Појасот, се наоѓаат во, како што кажа, „заштитено подрачје“ и ќе добијат повеќе храна, вода и лекови денес, но тој не наведете какви било детали.

Даниел Хагари, исто така, го повтори својот апел да се отфрлат гласините за заложнички договор со Хамас, нарекувајќи го циничен потег на групата чија цел е промовирање „психолошки терор“.

„Враќањето на заложниците дома е наш најголем приоритет. Сите наши оперативни активности се насочени кон постигнување на таа цел“, вели тој.