“ПОТПОЛНО ЛУДИЛО“ – Во Белорусија масовно се апсат психолози и психијатри и ги држат во притвор, причината е надреална: “Не ни беше веднаш јасно но…“
Владата на Белорусија, наводно, почнала да ги прогонува психолозите низ целата земја и да ги притиска да „кодошат“, односно да ги разоткријат размислувањата на нивните клиенти кои се противат на војната во Украина.
Во средата, група белоруски доброволни здравствени работници кои работат и живеат во егзил, објавија дека добиле извештаи за невообичаен бран апсења на психолози и психијатри.
Најмалку 20 професионалци за ментално здравје биле приведени во последните денови, повеќето од нив во главниот град Минск, соопшти групата а објави весникот The Telegraph.
„Некои од нив беа ослободени по сослушувањето, а некои не“, соопшти портпаролот на групата.
Приведените психолози биле испрашувани за нивните политички ставови и биле вршени притисоци со цел да ја нарушат доверливоста на пациентот за да ги пријават „неверодостојните“ пациенти на властите.
Една жена од Минск, која побарала да остане анонимна, изјавила за The Telegraph дека нејзината братучедка, кој е психолог, била однесена и приведена од белоруски агенти на КГБ и дека ништо не се знаело или слушнало за неа до оваа недела.
Нејзиното семејство е информирано дека оваа жена, која вообичаено не е политички активна, сега се соочува со кривична пријава од непозната природа.
Режимот на Александар Лукашенко, кој ужива клучна поддршка од Кремљ, започна акција против „саботерите“ по засрамувачките безбедносни пропусти и неколкуте напади од висок профил врз руската воена опрема во Белорусија, очигледно извршени од локални партизани, предупредуваат групите за човекови права.
Мотивот за приведувањето на психолозите не беше веднаш јасен, но во извештајот на белоруската државна телевизија минатата недела се тврди дека протеран терапевт наводно му помогнал на украински агент да го организира неодамнешниот напад на руски шпионски авион на аеродромот во Белорусија.
Белорусија, инаку, и дозволува на Москва да ја користи нејзината територија како почетна точка за војната против Украина. Режимот на Лукашенко започна невидена кампања на репресија како одговор на масовните протести ширум земјата поради сомневањата за местење на претседателските избори во 2020 година, брутално претепувајќи илјадници и мачејќи стотици луѓе во затворите.
Протестите беа главно задушени до крајот на годината, но озлогласените безбедносни служби во земјата сè уште ги следат обичните протести, затворајќи некои граѓани само затоа што биле фотографирани на собири кои се организирани против Лукашенко.
На членовите на опозицијата кои не беа во затвор и успеаја да побегнат од државата им се судеше и беа осудени во отсуство. Претходно овој месец, опозиционерката Светлана Тихановскаја, поранешен претседателски кандидат и на чиј сопруг му беше забрането да се кандидира и заврши во затвор во 2020 година, беше прогласена за виновна за заговор за соборување на владата и осудена на 15 години затвор.
Повеќе од 1.400 луѓе се затворени во Белорусија од 2020 година поради нивните политички ставови, според најразлични информации.
Политичкиот активист Аљес Бјаљацки, водач на групата за човекови права „Вјасна“ и добитник на Нобеловата награда за мир, самиот е зад решетки за наводен економски криминал. Тој е осуден на 10 години затвор.
