ПОЧИНА ЕДЕН ОД НАЈПОЗНАТИТЕ ИЗРАЕЛСКИ РАЗУЗНАВАЧИ ВО ИСТОРИЈАТА – Во 1973 година тој предупреди дека доаѓа инвазија, а Владата го игнорираше

Зви Замир, поранешниот директор на Мосад, чие предупредување дека Египет и Сирија планираат да го нападнат Израел во 1973 година, израелската Влада го игнорираше, почина на 98-годишна возраст, објави во вторникот медиумската агенција Reuters.

Смртта на Зви Замир беше објавена од Мосад, која тој ја водеше оваа тајна агенција од 1968 до 1974 година.

Поранешен армиски генерал, Зви Замир стоеше и зад кампањата за серија атентати извршени од Израел против палестинските команданти одговорни за масакрот на израелските спортисти на Олимписките Игри во Минхен во 1972 година.

„Неговиот придонес за безбедноста на Израел ќе се памети уште многу години“, истакна израелскиот министер за одбрана Јоав Галант во објава на социјалните мрежи.

Зви Замир беше директор на Мосад кога Сирија и Египет го нападнаа Израел на 6. октомври 1973 година.

Подоцна огорчено кажа дека доушник му кажал дека Каиро и Дамаск планираат ненадејна офанзива во октомври 1973 година.

„Но, израелската воена разузнавачка служба го сметаше за измама, и затоа Владата не објави однапред целосна мобилизација“, изјави еднаш тој.

Неколку часа по дојавата, египетските и сириските сили го нападнаа Израел и ги прегазија израелските линии.

Војната во Јом Кипур траеше до 25. октомври 1973 година.