Почина еден од најсилните луѓе на светот
Евгениј Мишин не напушти на 48 години.
Уште една тажна вест оваа недела. Легендата на светот на бодибилдингот, Евгениј Мишин, почина денес на 48-годишна возраст, а како што се наведува, се се случило ненадејно.
Веста со светот ја сподели неговиот колега, американскиот бодибилдер, Дејв Палумбо, кој истакна дека Мишин престанал да дише и дека лекарите 45 минути безуспешно се обидувале да го оживеат. Причината за смртта се уште не е позната.
– Многу ми е жал што ја споделувам веста дека професионалецот на ИФББ, Евгениј Мишин, почина на 48-годишна возраст. Тој беше еден од најлојалните луѓе со кои сум работел и ми беше чест да го наречам пријател. Ќе им недостига на семејството, оние кои го сакаа, блиските пријатели…Молитви и љубов – напиша Палумбо.
Неколку други бодибилдери излегоа на социјалните мрежи за да го изразат своето сочувство за смртта на Мишин, вклучувајќи ги Ли Прист, Денис Волф и многу негови обожаватели.
Иако не успеваше да оствари победа во професионалните настапи, секогаш успеваше да се пласира во самиот врв, а дел од Мистер Олимпија беше и во 2011 година, како и една година претходно кога го зазеде седмото место.
По завршувањето на кариерата во бодибилдинг, тој стана актер и се појави во неколку реклами. Во слободно време работел и како тренер.
