ПОЧИНА И МЛАДАТА ДОКТОРКА АЛМА: Втората девојка во која удри автомобил

Почина Алма Суљиќ (26), втората девојка во која автомобилот на Армин Берберовиќ удри во петокот вечерта, на 26 мај, кај Маријин Двор во Сараево.

Таа изминативе неколку недели била во критична состојба и под близок надзор на лекарите во КЦУС, но како што неофицијално дознаваме, за жал не успеала да преживее по смртоносните повреди кои ги предизвикал автомобилот на Берберовиќ и синоќа починала.

Алма Суљиќ е од Сараево, а работела во Здравствениот дом во Зеница.

Кобната ноќ Берберовиќ со своето возило удрил три лица на пешачкиот премин, на раскрсницата од улиците Долина и Маршала Тито. Азра Спахиќ починала на местото на несреќата, а двајцата веднаш биле пренесени во болница за укажана помош.

Да потсетиме, Берберовиќ беше уапсен ден по грозоморниот настан, а на 22 јуни Обвинителството на кантонот Сараево испрати барање до Кантоналниот суд за продолжување на притворот за уште два месеци.

Утврдено е дека Берберовиќ возел под дејство на алкохол, побрзо од дозволеното и без положен возачки испит.