Почина легендарната Џејн Биркин: Пронајдена мртва во својот дом во Париз

Пејачката и актерка Џејн Биркин почина на 77-годишна возраст, јавуваат медиумите во Франција.

Англо-француската ѕвезда важеше за стилска икона во доцните 1960-ти и 1970-ти години, а беше позната по нејзината професионална и лична врска со музичарот Серж Генсбург.

Таа е родена во Лондон, но се прослави пеејќи на француски и се пресели таму во 1970-тите години.

Француските медиуми јавија дека била пронајдена мртва во нејзиниот дом во Париз.

Нејзината лична врска со Серж Генсбург ја направи позната низ светот по нивниот меѓународен хит „Je t’aime… moi non plus“.

Дуетот е снимен во 1968 година, неколку месеци откако се запознале на снимање.

Двојката беше заедно 12 години, но останаа пријатели по разделбата.

Нејзината кариера беше одбележана со класици како „Blow Up“ (1966), „Смрт на Нил“ (1978) и „Зло под сонцето“ (1982).

Џејн Биркин беше и модел и многумина ја сметаа за модна трендсетерка, а таа ја инспирираше и познатата чанта Хермес Биркин.

Мена Ролингс, британската амбасадорка во Франција, и оддаде почит во објава на социјалната мрежа Твитер, опишувајќи ја како „најфранцузинот од британските уметници“.

Во септември 2021 година беше објавено дека доживеала мозочен удар, што ја принуди да го откаже планираното појавување на американски филмски фестивал.