Поранешниот претседател на Соединетите Американски Држави (САД), Доналд Трамп и оддаде почит на својата свекрва Амалија Кнавс, која почина на 79-годишна возраст.
Доналд Трамп вели дека мајката на неговата сопруга Меланија Трамп била „неверојатна жена“.
„Ова е многу тажна ноќ за целото семејство Трамп !!! Големата и убава мајка на Меланија, Амалија, штотуку замина на прекрасно место на рајот. Таа беше неверојатна жена и многу ќе ни недостига!“ напиша Доналд Трамп и сподели заедничка фотографија со Амалија Кнавс на социјалните мрежи.
Доналд Трамп и Амалија Кнавс
53-годишната Меланија Трамп потврди дека нејзината мајка починала, пишува Daily Mail.
„Со длабока тага објавувам дека почина мојата сакана мајка Амалија“, изјави поранешната прва дама на САД.
Меланија Трамп, исто така, ги пропушти повеќето од божиќните и новогодишните прослави во Мар-а-Лаго за да се грижи за својата болна мајка.
„Амалија Кнавс беше силна жена која секогаш се носеше со грациозност, топлина и достоинство. Таа беше целосно посветена на нејзиниот сопруг, ќерки, внук и зет. Неизмерно ќе ни недостига и ќе продолжиме да го почитуваме и сакаме нејзиното наследство“, беше објавено на нејзиниот официјален профил на социјалната мрежа Фејсбук.
Меланија Трамп не ја откри причината за смртта, но поранешниот претседател Доналд Трамп на новогодишната ноќ изјави дека била „многу болна“ и дека тоа имало „тешко влијание“ врз семејството.
Амалија Кнавс е родена во 1945 година во Јудендорф-Штрасенгел, Австрија пред да се пресели во Словенија. Таа го поминала своето скромно детство собирајќи кромид на нејзината семејна фарма пред да започне да работи во фабрика за текстил, каде што го запознала нејзиниот сопруг Виктор.
Тие ја добија својата прва ќерка Инес, која сега живее на Менхетен, во 1968 година, а две години подоцна, двојката ја доби Меланија, која секогаш велеше дека е инспирирана од нејзината вредна мајка.
Двете сестри се преселиле во Милано за да ја започнат својата манекенска кариера, а Меланија првпат дошла во САД во 1996 година. Зелената карта ја добила во 2001 година, а од 2006 година е државјанин на САД.
Парот потоа се преселил во САД – не е јасно кога – и беа покрај Меланија Трамп во текот на нејзината манекенска кариера додека таа не влезе во Белата куќа.
Амалија Кнавс и Меланија Трамп
Нејзините родители биле во пензија, па поголемиот дел од времето го поминувале во раскошниот клуб Палм Бич на нивниот зет.
„Мојата елегантна и вредна мајка, Амалија, ме воведе во светот на модата и убавината“, истакна Меланија Трамп во својот говор на Републиканската национална конвенција во 2016 година.
„Татко ми Виктор ми всади страст за работа и патување. Нивниот интегритет, сочувство и интелигенција се одразуваат до ден-денес на мене и на мојата љубов кон семејството и САД“, додаде Меланија Трамп тогаш.
Виктор и Амалија Кнавс станаа државјани на САД во август 2018 година, со поддршката на Меланија Трамп за нивните зелени картони.
За да се квалификуваат за државјанство, тие мораа да добијат зелен картон пет години порано, во нивниот случај во 2013 година.
