По колапсот на бракот со Џенифер Лопез, Бен Афлек ужива во луксуз: Објавени фотографии од неговата нова вила

Откако ги потпиша документите за развод од Џенифер Лопез, Бен Афлек купи вила во помирниот дел на Лос Анџелес, а сега се објавени и фотографии од овој луксузен имот.

За тоа издвоил повеќе од 20 милиони долари. Изграден е во 1940-тите и е дизајниран од угледниот архитект Клиф Меј. Досегашните сопственици детално го реновирале. Меѓу другото, има пет спални соби и шест бањи.

Секако, има и базен. Во близина на вилата има и штала за коњи и куќа за гости. Иако е многу поедноставно од вилата во која живееше со Џенифер, многумина го пофалија изборот на актерот.

Како што објави Дејли Мејл, Афлек го купил овој имот на 24 јули, истиот ден кога Лопез го прослави својот 55-ти роденден. Тие двајца одамна не се фотографирани заедно, а извори неодамна открија дека потпишале документи за развод, кои наскоро ќе ги поднесат.

Тие двајца неодамна ја ставија на продажба својата палата на Беверли Хилс. Се продава по цена од 84 милиони долари.

“Бен едвај чека да биде продадена. Никогаш не бил среќен таму”, рекол изворот.

Откако ја донеле одлуката за развод, актерот изнајмил куќа чија месечна кирија е 100.000 долари. Се наоѓа недалеку од куќата на неговата поранешна сопруга Џенифер Гарнер.