Првиот човек на украинската дипломатија со остри пораки: “Земјите кои не ја поддржаа Украина ќе платат висока цена! А за Папата, нему Бога ќе му суди!“
Министерот за надворешни работи на Украина, Дмитро Кулеба во интервју за BBC изјави дека – „изборот на секоја нација во однос на руската инвазија ќе се земе предвид кога станува збор за градење на идните односи“.
„Земјите што ја предадоа Украина ќе одговараат за тоа по завршувањето на војната“, нагласи тој.
Тој, исто така, предупреди дека доцнењето во испораката на оружје од Запад ги чини Украинците животи.
„Ако една испорака доцни за еден ден, тоа значи дека некој ќе загине на првата линија“, предупреди тој.
Иако Украина досега добиваше воена и економска поддршка од западните сили, многу земји во Африка, Азија и Јужна Америка останаа на страна – некои се историски сочувствителни кон Русија, некои се загрижени за економската цена на војната, а некои веруваат дека Западот непотребно ги продолжува борбите.
Кулеба јасно стави до знаење дека – „земјите кои не ја поддржуваат Украина, кои се однесуваат лошо за време на оваа војна, ќе плаќаат висока цена за тоа во иднина“.
„Ако некој во светот мисли дека начинот на кој една земја се однесуваше со Украина во најтемниот момент од нејзината историја нема да се земе предвид при градењето на идните односи, тие луѓе едноставно не знаат како функционира дипломатијата. Затоа што војната е време кога треба да изберете страна. И секој избор се знае“, изјави Кулеба.
Тој додаде дека западните сојузници не и даваат воена поддршка на Украина доволно брзо.
„Сакаме партнерите да дејствуваат побрзо. Ако една испорака доцни за еден ден, тоа значи дека некој ќе загине на линијата на фронтот, значи дека ќе умре некој што се уште би можел да биде жив“, предупреди тој и додаде дека најголема побарувачка за муниција има во Бахмут, каде што се украинските сили повеќе седум месеци се спротивставуваат на руските обиди да го окупираат градот.
„Ако падне Бахмут, на ред се другите градови. Значи, за да спасиме животи, мораме да се бориме во Бахмут колку што можеме физички“, потенцираше тој.
Имајќи предвид дека Русија досега не беше подготвена да преговара за прекин на непријателствата, Кулеба вели: „Секоја војна завршува на преговарачка маса… Но, мојата цел како министер за надворешни работи е да се осигурам дека Украина ќе дојде на таа маса по одлучувачкиот успех на бојното поле“. А тоа, додаде тој, „вклучува градење на најсилната можна коалиција за поддршка“, сојуз за кој украинскиот министер за надворешни работи верува дека не го вклучува папата Франциско.
„Не зависи од мене, туку од Бога, за да му судам на Светиот Отец, но длабоко жалам што Папата не најде можност да ја посети Украина од почетокот на војната“, истакна тој.
Кулеба во интервју за BBC се осврна и на Кина. Тој кажа дека претседателот Володимир Зеленски е подготвен за телефонски разговор со Си Џинпинг.
„Мислам дека Кина не е подготвена да ја вооружи Русија“, предупредува тој.
Што се однесува до САД, некои аналитичари шпекулираат дека поддршката за Украина би можела да се намали по претседателските избори следната година. Но Кулеба не се согласува со тоа.
