Престрелка во Брисел, повредена и помошничка на европарламентарец

Четири лица се повредени вечера вечер во престрелка во Брисел.

Локалните медиуми пренесуваат дека пукањето се случило на трговската улица Avenue de la Toison d’Or, недалеку од центарот на градот, околу 19 часот.

Во престрелката, полесно е повредена помошничка на член на Европскиот парламент. Таа е префрлена во болница и се наоѓа вон животна опасност.

Фронтлајн контактираше со вицепремиерот Бојан Маричиќ кој, заедно со премиерот Димитар Ковачевски, е во работна посета на престолнината на ЕУ.

Тој потврди дека престрелката не е поврзана со нив и дека тој и премиерот во моментов се безбедни и се наоѓаат во хотел.

Според портпаролот на бриселската полиција, околу областа е создаден безбедносен периметар.

Според информациите од локалните радио и ТВ мрежи, учесниците во престрелката избегале од местото на настанот кога пристигнала полицијата. Околностите за пукањето сѐ уште се нејасни.