ПРИГОЖИН ЧУВАЛ 43 МИЛИОНИ ЕВРА ВО КАРТОНСКИ кутии? Агенти на ФСБ пронашле огромни суми пари (ФОТО)
Руските и украинските медиуми објавија дека при рацијата во канцеларијата на Евгениј Пригожин, шеф на приватната воена компанија „Вагнер“ во Санкт Петербург биле пронајдени големи количини пари.
Би-би-си претходно објави, повикувајќи се на Фонтанка, локален медиум од родниот град на рускиот претседател Владимир Путин, дека руските безбедносни сили извршиле рација во штабот на Вагнер во Санкт Петербург.
На Твитер профилот на Киев пост, кој се повикува на руските медиуми, објави фотографија од картонски кутии кои агентите на руската Федерална служба за безбедност (ФСБ) наводно ги пронашле во возила во близина на канцеларијата на Пригожин, во кои имало четири милијарди рубљи (43 милиони евра).
Ројтерс објави дека Пригожин ги потврдил овие наводи и рече дека парите биле наменети за покривање на платите и другите трошоци на борците на „Вагнер“.
