Пристигна покана за прекин на војната во Украина, се спомнува и формирање на контакт група

Германскиот дипломат Волфганг Ишингер повика на „покренување на мировниот процес“ за Украина, истакнувајќи дека за таа цел е неопходно да се формира еден вид контакт група.

„Покрај испораката на оружје и финансиската поддршка, мораме да предложиме перспективи за растечките критични прашања во САД, како и во Германија“, напиша Ишингер во текст за германскиот весник Taggespiegel.

Според него, не можеме да зборуваме за тоа уште денес да се побара Украина да биде подготвена за преговори, што и да значи тоа.

„Крајно време е да се започне мировен процес за војната во Украина“, смета германскиот дипломат.

Ишингер повика на создавање на контакт група која би можела да го формира јадрото или барем дел од групата за посредување кога ќе има можни преговори.

Според идејата на германскиот дипломат, групата треба да вклучува земји како Соединетите Американски Држави, Велика Британија, Франција и Германија.

Од 2001 до 2006 година, Ишингер беше германски амбасадор во САД, а од 1998 до 2001 година беше државен секретар во Берлин.