ПРОДОЛЖУВА ЧИСТКАТА ВО РУСКАТА ВОЈСКА: ПО „СПАРТАК“ ПАДНА УШТЕ ЕДЕН ОФИЦЕР! Кај него било „грнето со пари“, обвинет е за МИЛИОНСКА ИЗМАМА

Истражните органи на Руската Федерација го уапсија шефот на одделот за набавки на руското Министерство за одбрана, Владимир Вертелецки.

Тој беше обвинет за злоупотреба на службената положба , соопшти официјалниот претставник на Истражниот комитет, Светлана Петренко.

– Началникот на секторот за набавки на Министерството за одбрана, Владимир Вертелецки, беше обвинет за злоупотреба на службените овластувања при извршување на наредбите на државната одбрана – рече таа.

Според воените истражни органи, Вертелецки во 2022 година прифатил недовршени работи според договорот со државата. Со овие дејствија тој и нанел штета на државата во износ од повеќе од 70 милиони рубљи.

На обвинетиот му е изречена мерка притвор.

Во последниве недели, неколку високи руски воени функционери се најдоа во истражен затвор. Така, на 22 мај беше уапсен началникот на Главниот директорат за комуникации на руските вооружени сили, Вадим Шамарин. Тој беше обвинет за примање мито во износ од 36 милиони рубли.

Покрај тоа, на 13 мај се дозна дека е приведен началникот на главниот персонал на Министерството за одбрана, Јуриј Кузњецов, а на 17 мај, поранешниот командант на 58-та армија, Иван Попов , попознат како „ Спартак“, беше уапсен. Првиот е обвинет за поткуп во особено големи размери, според изворот, тоа е во износ од 30 милиони рубљи;

Попов е уапсен за измама.

На крајот на април беше уапсен заменик-шефот на Одделот за одбрана, Тимур Иванов, кој го надгледуваше воениот градежен комплекс. Според неговиот адвокат, тој е обвинет за примање мито во вредност од околу една милијарда рубљи. Иванов е привремено суспендиран од функцијата.