Промашил пенал во најскапиот натпревар во светот. Три дена подоцна тој беше отпуштен

КОВЕНТРИ СИТИ е поразен во драматичното изведување пенали во најскапиот натпревар во светот, оној што се игра секоја година во финалето на плеј-офот во Премиер лигата. Имено, победникот од тој дуел освен што се пласира во елитата на англискиот фудбал, добива и најмалку 200 милиони евра награди. Овој пат сето тоа отиде во Лутон Таун.

Како што вообичаено се случува кога клубовите од понизок ранг во последен момент не успеваат да остварат промоција во повисоко ниво, неколку играчи го напуштија клубот, па управата им ги раскина договорите бидејќи повеќе не можеа да ги платат. Во Ковентри оваа судбина ја доживеаја дури седум играчи, а еден од нив е Фанкати Дабо, најголемата трагична фигура во борбата за промоција.

Дури 12 фудбалери шутираа пенал во серијата, а само Дабо промаши и токму неговиот пенал го испрати Лутон во Премиер лигата. Дабо досега беше стандарден, забележа 131 настап за Ковентри, каде пристигна во 2019 година, а сега со само 27 години е отпишан со останатите шест играчи.